Ouniblat-Geeschterorchidee

Och d'Ouniblat-Geeschterorchidee gesäit gielzeg-brong aus, well si guer kee Blatgréng bilt a sech nëmmen iwwert hir Pilzpartner erniert. Just onreegelméisseg, a Jore mat vill Reen, béi héijer Loftfiichtegkeet a Wäermt sinn d'Bléi vun der Geeschterorchidee am Juli fir e puer Deeg ze gesinn. De Rescht vun der Zäit lieft des Aart ënnerierdesch, verstoppt am fiichte Mulch vun ale Bichebëscher. Dat eenzegt aktuell bekannt Virkomme vun der Ouniblat-Geeschterorchidee am ganze Benelux ass an engem Hang-Bichebësch bei Walfer.